Fjordheim - Hermansverk
Einarsen Eigedom AS utviklar saman med AH Bygg, Bent Vikøren og La-BIM eit nytt og framtidsretta bygg på Hermansverk i Sogndal kommune. Fjordheim skal kombinere bustader og handel midt i sentrum, og vil med ny Coop Extra-butikk og moderne leilegheiter gi eit løft for Leikanger. Prosjektet er møtt med stort lokalt engasjement, og ambisjonen er å skape eit attraktivt og levande bumiljø med nærleik til fjord, handel og fellesskap.
Bildet viser ein illustrasjon av tidlegare prosjekt på tomta
Om prosjektet
• Prosjektet omfattar transformasjon av Fjordheim-tomta i Sognefjordvegen 19, ei sentral tomt på ca. 3 500 kvm.
• Bygget skal romme ein daglegvarebutikk på om lag 1 300 kvm samt 10–20 sentrumsnære leilegheiter.
• Det er inngått ein betinga leigeavtale med Coop Nordvest om etablering av ein ny Coop Extra-butikk som vil styrke det lokale tilbodet.
• I planarbeidet blir det lagt vekt på aldersvennlege bustader og sosiale møteplassar, i samarbeid med Leikanger Pensjonistlag.
• Prosjektet er eit samarbeid mellom solide lokale aktørar: Einarsen Eigedom (utvikling og eigarskap), AH Bygg (entreprenør), Bent Vikøren (VVS) og La-BIM (prosjektleiing og digital modellering).
• Det er inngått intensjonsavtale om overtaking av eigedomen frå dagens eigarar i Fjordheim Eigedom AS.
• Detaljregulering startar hausten 2025 i tett samarbeid med kommunen og andre aktørar.
• Byggestart er venta i løpet av 2026/2027.
